پەیاکردن تەرم گەنجیگ وە گولە کوشیاس لە پشت مزگەفتیگ لە کەرکوک

شەفەق نيوز – كەركوك 

سەرچەوەیگ ئەمنی لە پارێزگای کەرکوک، ئمڕوو چوارشەممە، خەوەردا کە پەیاکردن تەرم گەنجیگ کوشیاگ لە پشت مزگەفت خولەفا لە ناوچەی حەی عەسکەری کە وە (ناوچەی 55) ناسیاس، لە باشوور پارێزگاگە.

 سەرچەوەگە ئەرا ئاژانس شەفەق نیوز وت: گەنجەگە وە سێ گولە لە سینە و زگ و سەری کوشیاس.

 وتیش: زانیاریەیل سەرەتایی نشان دەن کە تاوانەگە وە دەس دوو کەس بویە وە کووڵ ماتووڕسکڵ بوینە، کە یەکیگیان تەقە لەلی کردگە، و وەرەو شوین نادیاریگ واینە.

  سەرچەوەگە دیاری کرد کە دەزگایەیل ئەمنی کەفتنەسە وەشیمیت کامیرایل چەودیاریکردن لە دەورگرد رویداوەگە تا بڕەسن وە ناسنامەی بکوشەیل.

 جی باسە کە پارێزگای کەرکوک بوی مانگەیل دویاییە رویداوەیلیگ وەیجویرە وەخوەی دی، لە سای تەقەلایەیل ئەمنی وەردەوامیگ ئەرا سنووردارکردن تاوانەیل.