کاڵا کردن له سنوور سوومار به‌رده‌وامه
2020-11-06T08:29:30+00:00
شه‌فه‌ق نیوز/ فه‌رماندار گیه‌ڵان رووژاوا وت: وه بان قرچه و له‌رزه‌ی ک له کورونا هه‌سه، رووژێ سه‌د و په‌نجا کامیوون کاڵا له سنوور سوومار دچوو ئه‌ڕا عراق.
کوروش موحه‌مه‌دیان وه داخریان شه‌ش مانگه‌ی ئی سنووره هشاره‌ی کرد و وت: ئێسه وه رعایه‌ت پوروتوکوڵه‌یل ستاد کورونا، چه‌نێگه ک دواره ئی کاره له سه‌را گرتیمنه و هێمێداریمن ک بتوانیم سوومار بکه‌یمن ده‌رانه‌ی خاسێ ئه‌ڕا هاوردن و بردن کاڵا وه دیاڵه‌ی عراق.
ئه‌وی وت: له پاره‌که، بان سه‌د جوور کاڵا له‌ی سنووره کل کریاگه ئه‌ڕا مه‌نه‌لی و ئوستان دیاڵه.
