پیاو وەتەمەنیگ خوەی لە بان بەرزترین پیەڵ مووسڵ خەێدە خوار
2022-02-24T08:02:28+00:00
شەفەق نیوز/ سەرچەوەیگ ئەمنی لە نەێنەوا، ئمڕوو پەنجشەممە، خەوەردا ک پیاویگ وەتەمەن خوە خستیەسە خوار لە بەرزترین پیەڵ شار مووسڵ، نامەییگ دەسنۊس خوەی وەجی هیشتیە.
سەرچەوەگە وە ئاژانس شەفەق نیوز وت، پیاو وەتەمەنیگ، ئمڕوو شەوەکی، خوەی لە پیەڵ کۊنەی مووسڵ خستە خوار و خوەی کوشتیە، وتیش؛ پۆلیس تەقەلای قورتارکردنی دانە و لە چەمەگە دراوەدنەی، باوجی گیان لە دەس دەێد لەبان ئەوەگ فریاگوزاری سەرەتایی ئەرای ئەنجام دریایە.
دیاریکرد، پیاوە وەتەمەنەگە نامەیگ وەجی هیشتیە وەگەرد ناسنامەگەی، ناو و ناونیشان خوەی نۊسایە ووتیە " خودا حافیز کۆمەڵگە".
