پیاویگ گەیاکەر وە دڵنگ ژنانە کەفێدە دەس پولیس بەغداد

شەفەق نیوز/ وەزارەت ناوخوەی عراق، ئمڕوو شەممە، دەسگیرکردن پیاویگ راگەیان ک خوەی کردیەسە ژنیگ وە پڕتاڵ ژنانە لە ناوچەی شەعەب گەیا کەێد.

وەزارەتەگە لە بەیاننامەیگ رەسیە ئاژانس شەفەق نیوز وت: وەگورەی فەرمان وەڕیەوبەر پولیس بەغداد، وە جیوەجیکردن رەفتارەیل ئەمنی ئەرا نواگردن سیمای گەیاکردن، چوینکە لە سیما بەدەێلە ک زەرەد وە کۆمەڵگا رەسنێد، و مەوقەی جیوەجیکردن ئەو فەرمانە، بڕیگ گەیاکەر دەسگیر کریان.

دیاری کرد ک دویای هویردنووڕین، دەرکەفت ک یەکیگیان وە دڵنگ ژنانە سواڵ کەێد و خوەی کردیەسە ژنیگ تا بەزەیی مەردم بارێد، و دریا دەس لایەنەیل پەیوەندیدار.