ڤیان دەخیل: دزەکردن ٦ خیزان داعش ک لە سوریا هاتنە و حکومەت ئاگادارە
شەفەق نیوز/خانمە پەرلەمانتار وەرین ڤیان دەخیل، ئمڕوو یەکشەممە، راگەیان دزەکردن لە کامپ جەدعە ک خیزانەیل داعش هاناوی، دویای ئەوە ک لە کامپ هۆل سوریا ئەرای هاتن.
ڤیان دەخیل لە بەیاننامەیگ رەسیە ئاژانس شەفەق نیوز وت: ئایا حکومەت توینێد ئەرامان بویشێد چوین ٦ جیزان لەوانە لە رووشنایی رووژ وەگەرد ئەو هەمکەی هێز ئەمنیە وەگەرد ئی خیزانەیلە لە سنوورەگە دزە کردن؟.
و ئایا توینێد ئەرامان ناویان و ناو باوگیان وپەیوەندییان و وەرەو کاملا روی کردن ئاشکرا بکەێد؟، وئەرا زانیاری یەکەم چینەگە ٣٠ هەزار کەس لە ١٠٠ خیزان لەناوی بوی وتەنیا ٩٠ خیزان لەلیان رەسیە کامپ جەدعە.
وتیش: ئایا حکومەت توینێد مسۆگەر بکەێد خیزانەیلیگ تر لە کامپ جەدعە دزە نەکەن، و ئاندامەیل داعش لەناو عراق وەگەرد خیزانەیلیان پەیوەندی نەکەن؟.
دەخیل دیاری کرد ک ئیمە باس ٣٠ هەزار لەی خیزانەیلە کەیمن، وتەنیا یەکەم چین لەلیان رەسیە، واتە نزیکەی ٦ هەزار کەس لە ریخریاگ داعش فرەیان هیمان لەناو عراق چالاکن.
پەرلەمانتار وەرین داوا لە حکومەت عراق کرد وەکوتپڕ ئی کارە بووسنێد، لەو وەختە ک ئیمە واز لە ماف خوەمان و ماف رای گشتی نیارایمن لە وەڵام گشت ئەو پرسیارەیلە.
