پارێزگایگ عراقی راگەینێد بنچینە نووەگەی کۆڕۆنا لەناوی نییە
شەفەق نیوز/ فەرمانگەی تەندروسی دیالە، ئمڕوو شەممە، دووپات کرد هیچ تووشهاتنیک وە بنچینە نووەگەی ڤایڕۆس کۆڕۆنا کۆڤید-٢٠ تۆمار نەکریاگە، و ئاماژە کرد ک تووشهاتنە کومانلیکریایەگان هانە چەوەڕی ئەنجامەیل تاقیکردنەوەگان.
دکتۆر نەبیل فازڵ حدام وەڕێۆبەر تەندروسی گشتی لە دیالە ئەرا ئاژانس شەفەق نیوز وت: تا ئیسە هیچ تووشهاتنیگ وە بنچینە نووەگەی ڤایڕۆس کۆڕۆنا تۆمار نەکردیمنە، و تووشهاتنە کومانلیکریایەگان ئەرا تاقێگەیلیگ تایبەت رەوانە کردیمن، و چەوەڕی دەرچگن ئەنجامەیل کەیمن.
وتیش؛ پلان و ریکارەیل گونجیاگیگ ئەرا نواگردن ڤایڕۆس کۆڕۆنای نوو ئامادە کردیمن، وەگەرد بڵاوبوینی لە چەن دەوڵەتیلیگ نزیک لە عراق، و باوەت کۆڕۆنا لەلایەن تووشهاتن و مردنەگان هانە ژیر کۆنتڕۆڵ.
گونجانن ئەو واکسینە ک تەگبیرە ئەرا نواگردن بنچینەیل کۆڕۆنا پشت وەپی بووەسیەێد، دکتۆر فازڵ وت: واکسینەگە گونجیاگ و توانادارە ئەرا دژایەتی کۆڕۆنا وە هەردوگ بنچینەگانی، لە ری ئەو تاقیکردنەوەیل پزشکیە ک کۆمپانیایلیگ جهانی ناوداریگ کردنەی و گونجانن و سەرکەفتن واکسینەگە چەسپانن.
