ڤاتیکان بەیاننامەیگ دەربارەی چەوپێکەفتنەگەی پاپا و سیستانی دەرکەێد
شەفەق نیوز/ ڤاتیکان بەیاننامەیگ دەربارەی چەوپێکەفتنەگەی پاپا فرانسیس، ئمڕوو شەممە، وەگەرد عەلی سیستانی مەرجع ئاینی لە پارێزگای نەجەف دەرکرد.
ڤاتیکان لە بەیاننامەیگ ئاژانس شەفەق نیوز چەودیریی کرد وت: پاپا فرانسیس وەگەرد سیستانی باس لە هاوکاری لەناونی گشت ئاینەکان و گفتوگۆ وەخاتر خەیر عراق و خەیر ناوچەگە کرد.
وتیش؛ چەوپیکەفتنەگە ئەرا پاپا دەرفەتیگ بوی ئەرا سوپاسکردن سیستاتی، چوونکە دەنگ خوەی وەگەرد شیعە لە نواگردن توندوتیژی و سەختیە گەوراکان لە ساڵەیل دویایین بەرزەو کرد، لە وەرگریکردن لەوانەگ لاوازترینن و فرەتر ستەمدیین.
وەگورەی بەیاننامەگە، پاپا جەخت کرد، لە گرنگی هاوکاری و برادەری لەناونی تایفە ئاینیەکان تا لەڕی ئەوزەڵکردن رێزگردن وەرانوەر یەک و گفتوگۆ، بتوێنن بەشدار بوون لە خەیر عراق و ناوچەگە و مرۆیی وەگشتی.
بەیاننامەگە ئاماژە کرد ک پاپا نمازی ئەرا خودای دروسکەر گشتی دووارەو کرد، وەخاتر دویارووژیگ پڕ لە ئاشتی و برایەتی ئەرا خاک عراق خوەشەویست و خوەرهەڵات ناوەڕاس وجهان وەگشتی.
