ڤايرۆس كۆرۆنا ورسگى خسته بڕيگ له ده‌وڵه‌ته‌يل لاتينى
شه‌فه‌ق نيوز/ به‌رنامه‌ى خوه‌راك جه‌هانى سه‌ر وه نه‌ته‌وه‌يل يه‌كگرتگ، باس له‌وه كرد نزيكه‌ى 14 مليۆن كه‌س هانه وه‌رده‌م مه‌ترسى ورسگى تونيگ له ده‌وڵه‌ته‌يل ئه‌مريكاى لاتينى و ناوچه‌ى ده‌رياى كاريبى وه بوونه‌ى قه‌يران ڤايرۆس كۆرۆنا.
به‌رنامه‌گه ئه‌وه ده‌رخست ك ده‌س ئه‌كاده پرووژه‌يليگ له پۆليڤيا و كۆڵۆمبيا و كووبا و كۆمار دۆمينيكان و ئيكوادۆر و سلڤادۆر و گواتيمالا و هايتى و هندوراس و پيرۆ و دويرگه‌ى ناميه له ناوچه‌ى ده‌رياى كاريبى له‌وه‌ر ئاگاداربوين له‌و قه‌يران پيشبينيكرياگه.
جى باسه، له به‌رازيليش، وه‌زاره‌ت ته‌ندروستى ئه‌و وڵاته، ئاماژه وه ئه‌وه كرد شماره‌يگ پێوانه‌يى له تويشبوين رووژانه وه ڤايرۆس كۆرۆنا تۆمار كردگه ك رووژ په‌نجشه‌ممه ره‌سيه‌سه 26 هه‌زار و 417 تويشبوين تازه‌و وه‌يه‌يش جه‌م گشتى به‌رزه‌و بويه ئه‌را 483 هه‌زار و 238 حاڵه‌ت.
