پله‌ێ گه‌رمى هه‌زاران ئاگر له جه‌هان به‌رپا كرد
شه‌فه‌ق نيوز/ هه‌زاران ئاگر له چه‌نه‌ها ده‌وڵه‌ت له جه‌هان له كشوه‌ره‌يل جياجيا كه‌فته‌و له مانگ يۆليۆ له‌ئاكام به‌رزه‌وبوين پله‌ێ گه‌رمى، ك يه‌يش بويه‌سه هووكار دويره‌وكه‌فتن سه‌دان هه‌زار كه‌س له‌و وڵاته‌يله وه‌ل ئعلانكردن حاڵه‌ت ته‌وارێ.
پله‌ێ گه‌رمى له جه‌زاير و فره‌نسا و ئيتاڵيا و كۆمار جه‌به‌ل ئه‌لئه‌سوه‌د و وڵاته‌يل يه‌كگرتگ ئه‌مريكى و كه‌نه‌دا بويه‌سه هووكار كه‌فتنه‌وه‌ێ هه‌زاران ئاگر و هيمان زوورميانيش هه‌ر وه‌رده‌وامه‌و زاڵبوين له‌بانيان سه‌خته.
پله‌ێ گه‌رمى له جه‌هان به‌رزه‌وبوين وه‌رده‌واميگ وه خوه‌يه‌و ديه‌و فيشتر له 40 پله‌ێ سه‌ديه له شوونه‌يل فريه‌يگ له ناوچه‌يل ئۆرپى و يه‌يش بويه‌سه هووكار به‌رپابوين ئاگر له باخ و دارستانه‌يل.
جى باسه، له شوونه‌يل فريه‌يگ له جه‌هان ته‌ياره‌يل و تيمه‌يل ئاگركوشنه‌وه وه‌رده‌وامن و هه‌وڵ كوشاننه‌وه‌ى ئه‌و ئاگره‌يله ئه‌يه‌ن له باخ و دارستانه‌يل ك وه بوونه‌ێ پله‌ێ گه‌رميه‌و به‌رپا بوينه.
