پاشاى ئوردن سه‌رۆك وه‌زيره‌يل تازه‌يگ دامه‌زران
2018-06-04T16:34:00+00:00
شه‌فه‌ق نيوز/ دوياى په‌نج رووژ له خوه‌ينيشاندانه‌يل فراوان مه‌ردمى، شا عه‌بدوڵڵاى دويه‌م پاشاى ئوردن بڕياره له‌كارلاورن هانى ئه‌لمولقى سه‌رۆك وه‌زيره‌يل دا، ئه‌ويش دوياى ناڕه‌زايه‌تى مه‌ردم داواكارى له‌بان لاوردنى.
له‌ى باوه‌ته‌و، ديوان پاشايه‌تى له به‌ياننامه‌يگى وت: شا عه‌بدوڵڵاى دويه‌م رازێ بويه له‌بان ده‌س له‌كاركيشانه‌وه‌ى حكومه‌ت هانى ئه‌لمولقى و سپاردن عومه‌ر ئه‌لڕه‌زاز ئه‌را دامه‌زرانن حكومه‌ت تازه له‌شوونى.
جى باسه، وه بوونه‌ى زيايكردن باج، ماوه‌ى چه‌ن رووژيگه له عه‌مان پايته‌خت و شاره‌يل تر ئوردن خوه‌ينشانداين ئه‌نجام دريه‌ێد و داواى ده‌س له‌كاركيشانه‌وه‌ى سه‌رۆك وه‌زيره‌يل كريه‌ێد و دوياى لاوردنيشى تائيسه‌يش فه‌رمانيگ پاشايه‌تى له‌بان دامه‌زرانن ئه‌لڕه‌زاز ده‌رنه‌چێه.
