يەکەم پایتەخت ئەورووپایی تەکسی بی رانندە خەێدە کار
2021-09-09T07:16:38+00:00
شەفەق نیوز/ جیگر عومدەی پایتەخت رووسی ئەرا باوەتەیل گواستنەوە مەکسیک لیکسوتۆف، ئمڕوو پەنجشەممە، وت: ئەوەسا مۆسکۆ بوودە یەکەم پایتەخت لە ئەورووپا ک تەکسی بی رانندە لەناوی کار کەێد، و نشان دا ک تاقیکردنەوەیل ئی چینە لەی پاییزە دەس وەپیکریەێد.
جیگر عومدەی پایتەختەگە وتیش؛ باس لە باوەت گەشەکردن ماشینەیل چووڵ کریەێد تا بڕەسێدە گشت وڵاتە پێشکەفتگەیل.
هەمیش وت: لەی مەوقە، نزیکەی ٣ هەزار ماشین بی رانندە لە جهان هەس، و ئەوەسا مۆسکۆ بوودە یەکەم پایتەخت لە ئەورووپا تەکسی بی رانندە لەناوی کار کەێد.
هەمیش باس ئەوە کرد ک کۆمپانیای «یاندیکس» لەی پاییزە پلان تاقیکردنەوەی یەکەم تەکسی بی رانندە لە پایتەخت کەێد، و ئەوەسا ئی خزمەتە لەناوچەی نزیک لە میتڕۆی یاسینوفۆ و بیتسۆفیسکی پێشکەش کریەێد.
