وە ماوەی ٢٤ ساعەت گوزەشتە.. سێ پەلامار وە چەقوو لە پەرلین
2024-08-11T15:18:57+00:00
شەفەق نیوز/ "بيلد" ئەڵمانی، ئمڕوو یەکشەممە، خەوەردا کە سێ پەلامار وە چەقوو لە پەرلین پایتەخت ئەڵمانیا وەماوەی ٢٤ ساعەت گوزەشتە رویداگە.
رووژنامەگە نویسان؛ نزیکەی ساعەت ١١ی دویەشەو، پیاییگ لە دەروازەی میتروی يانويتسبروك کەفتە وەر پەلامار وە چەقوو، کە بە سێیەم چەقووکیشانە لە پەرلین وە ماوەی ٢٤ ساعەت گوزەشتە.
وتیش: قوربانیەگە ئەرا خەسەخانە بریا، و ژنیگیش لەو پەلامارە زەخمدار بوی.
رووژ شەممە، دوو کەس ترەک لە پەرلین زەخمدار بوین، کە پیاییگ لەناوڕاس شار نویکۆڵن ملی زەخمدار بوی، و دووان ترەک کەفتنە وەر پەلامار وەلایەن نزیکەی ٢٠ کەس نزیک میتروی ليوبولدبلاتز یەکیگیان تویش چەقووکیشان هات.
