وەفەرمی.. میسی توانای شۆڕش لەبان پەرشەلۆنە دیرێد

شەفەق نیوز/ هەڵوێست لیۆنیل میسی، هەسارەی پەرشەلۆنە، دەربارەی دویارووژ خوەی وە هێزترەو بوی، ک ئیسە وە فەرمی توانای شۆڕش لەبان یانە کاتەلۆنیەگە دیرێد، و کۆتایی ریەگەی لە کامپ نو بنووسێد، ئەگەر بخوازێد.

وەگەرد هاتن  رووژ یەک کانون دوویەم ٢٠٢١، میسی توانای واژووکردنی ئەرا هەر یانەیگ دیرێد، دویای کۆتایی ئی وەرزە لە حوزەیران ئایندە، چوونکە چگە ناو ماوە ئازادەگە لە گریەبەسیەگەی، (شەش مانگ دویایینی).

میسی وەکریەبەسیگ تا تاوسان ئایندە پەیوەندی وەگەرد پەرشەلۆنە کردگە، و تا ئیسە هیچ دانوستانیگ لەباوەت نووەوکردن نییە.