وەشیان بڕیگ مووشەک حزبولڵا وەرەو باکوور ئیسرائیل
شەفەق نیوز/ حزبوڵڵای لوبنان، ئمڕوو شەممە، جیوەجیکردن پەلاماریگ وە مووشەک "فادی 1" وەبان ناوچەی كابر ئیسرائیل راگەیان.
حزبولڵا لە بەیاننامەیگ وت: ئەراک پاڵپشتیکردن گەل فەلەستین لە کەرت غەززە، و پشتگیریکردن وەرخودان پاڵەوان و شەریفی، و وەرگریکردن لە لوبنان و گەلی، و وەڵامدان دژایەتی وەحشیانەی ئیسرائیل وەبان شار و ئاوایەیل مەدەنی، موجاهیدەیل وەرخودان ئیسلامی، ئمڕوو شەممە 28-09-2024 پەلامار ناوچەی كابری وە بڕیگ مووشەک فادي1 دان.
میدیایلیش وتن: حزبوڵڵای لوبنان بڕیگ مووشەک سەنگین وەبان ناوچەی سنووری وەرەو باکوور ئیسرائیل وەشان.
فیکەی هوشداری لە ناوچەیل خوەرهەڵات سەفەد کوتیا.
دەزگای پەخش ئیسرائیل وت: وەرگری ئاسمانی نواگیری مووشەکیگ کرد کە لە لوبنانەو وەرەو کەرت خوەرئاوا وەقویلی ١٠٠ کیلۆمەتر وەشیا.
رووژنامەی "مەعاريف" وت: وەشیان 75 مووشەک لە لوبنانەو وەرەو ئیسرائیل لە دویەشەوەو وەشیاس، کە فیکەی هوشداری لە جەلیل خوەرئاوا تا باکوور و باشوور حەیفا کوتیا.
هەرلیوا، قسەکەر سوپای ئیسرائیل کەفتن مووشەکیگ راگەیان کە لە لوبنانەو وەشیاس کەفتیەسە شوین وازیگ.
