وە سەردانیگ ناکاوی.. بایدن لەناو کیێڤ گەردێد
جۆ بایدن سەرۆک ئەمریکا وەگەرد ڤلادیمێر زیلینسکی سەرۆک ئۆکرانیا لەناو جادەیل کیێڤ پایتەخت ئۆکرانیا گەردین، هەمیش سەردان مومێنتیگ ئەرا کوشیاگەیل سوپای ئۆکرانیا کرد.
ئاژانس خەوەری ئەکسیوس لە زوان وەرپرسیگ ئۆکرانی وت: بایدن، شەوەکی ئمڕوو، وەگەرد زیلینسکی و بڕیگ لە گەورە وەرپرسەیل گردەو بوی.
رۆیتەرز لە زوان بایدن وت: ئەوەسا پاڵپشتیکردن سەربازی نوویگ وە چەپکیگ دەسمیەتی بایی ٥٠٠ مەلیۆن دۆلار کەفێدە دەس ئۆکرانیا.
وتیش: ئی دەسمیەتی سەربازی نووە ئەرا ئۆکرانیا چەک هایمارس هاناوی.
بایدن وتیش: ئەوەسا پیشکەشکردن ئامێر و چەکەیل گرنگیگ ئەرا ئۆکرانیا راگەینم، ک گولەی تووپ و سیستەم دژوە قەڵغان و رادار هاناوی.
بایدن وتیش: ئەوەسا سزایلیگ زیای لەبان ئەو نەختینە و کۆمپانیایلە ئاشکرا کەیمن ک تەقەلا دەن خوەیان لە سزایل مەرەقەز بکەن، و پشتگیری چەک جەنگ رووسیا کەن.
لەلای خوەییش، زیلینسکی وت: سەردان بایدن گرنگی گەورەیگ دیرێد، و نشانەی قایمیگ ئەرا پشتگیریکردن گشت ئۆکرانیەیل.
