وەزارەت جەنگ ئەمریکی دووپات کلکردن سێیەمین کەشتی فڕۆکەهەڵگر ئەرا خوەرهەڵات ناوڕاس کەێد
شەفەق نیوز- واشنتۆن
وەزارەت جەنگ ئەمریکی، کەشتی فڕۆکەهەڵگر "سیۆدۆر رۆزڤێڵت" و گرووپە جەنگییەگەی کل کردە خوەرهەڵات ناوڕاس، وەپەی ئەوەگ رووژنامەی "وۆڵ ستریت جۆرناڵ" خەوەر دایە.
رووژنامەگە دیاری کرد کە کەشتییەگە و گرووپەگەی رووژ یەکشەممەی گوزەشتە لە سان دیێگۆ دەرچگنە، و نزیکەی 10 هەزار سەرباز لەبانیانە، و وەرەو ناوچەگە کەفتنسەو ری ئەرا پەیوەندیکردن وە هەردگ کەشتی فڕۆکەهەڵگر "جۆرج دەبلیو بوش" و "جۆرج واشنتۆن" کە لەوەران.
جی باسە کە وەرپرسیگ ئەمریکی، دۊکە پەنجشەممە خەوەر دا کە کەشتی فڕۆکەهەڵگر "رۆزڤێڵت" وەرد گرووپە وەشنەرەگەی لە بنکەی سان دیێگۆ دەرچگە و وەرەو دەورگرد ئیران لە خوەرهەڵات ناوڕاس چوود.
وەرپرسەگە لە لێدوانەیلیگ ئەرا کەناڵ "جەزیرە" وت، کە گرووپ داوەزین دەریایی "مایکۆن ئایلاند" دووشەممەی گوزەشتە لە سان دیێگۆ دەرچگە، و روی وەرەو ناوچەگە کردگە، کە فرەتر لە 2000 سەرباز لە هازەیل مارینز لەبانیە.
وتیش کە سێ کەشتی فڕۆکەهەڵگر و دوو گرووپ داوەزین وە هاتن کووتایی تشرین دۊم/ نۆڤەمبەر ئایندە لە دەورگرد ئیران بڵاو بوون، وتیش کە گردەوکردن ئی هازەیلە لە خوەرهەڵات ناوڕاس وژاردەی فرەیگ دەێدە سەرکردە ئەمریکییەیل ئەرا رەفتارکردن وەرد ئیران.
یەیش لە وەختیگ تیەێد کە سەرۆک ئەمریکی دۆناڵد ترەمپ، باس ئەگەر گلەوخواردن ئەرا پەلاماردان ئیران وە شیوەیگ خەس دۊای هەڵوژاردنەیل نیمەی خول ئەمریکی کرد.
و ترەمپ، لە لێدوانەیلیگ ئەرا گۆڤار "تایم" ئەمریکی وت: "تواستم جەنگ ئیران لە سەرەتا کوڵ بوود، وەلی ئیسە وەردەوام بووم لەبان ئەرکەگە تا کووتایی"، و دووپات کرد کە "ئەوەگ لە سەرەتای گفتوگۆیەیل وەرد ئیران رەتی کردم ئمڕوویش رەتی کەم"، و "ئیران گەروو هورمز ئەرا ماوەیگ کوڵ بەسا، وەلی ئیسە کۆنترۆڵەگە ها دەس ئیمە".
