کوشیان 6 کەس دوو پۆلیس هاناویان وە تەقەکردن لە ئوسترالیا
سەرۆک سەندیکای پۆلیس کوینزلاند ئیا لیفرز وت، نیمەڕو دووشەممە پۆلیس خەوەردارکریا لە لێکلێنەوە کردن لە کەسەیلیگ گومبوینە و دەوریەیگ ئەرا ماڵەگە کلریایە لە شارۆچکەی بویچگیگ لە ئاوای.
پۆلیس ئاشکەرایکرد،" هەرکە چیەسە ناو ماڵ کەفتیەسە وەر رز گولە و دەرفەت تەقەکردن لە سەرچەوەی گەلە نەیاشتنە" وتیش" دوو پۆلیس وە خوین سەرد لە سێدارە دریانە".
دوو پۆلیسە کوشیایەگە یەکیگیان تەمەن 26 ساڵان بویە ئەوەکەیش 29 ساڵان.
فەرماندەی پۆلیس کوینزلاند، کاتارینا کارول، ک وە زوور ئەسرەیلی شاردیەسەو وت " ئی دوو پۆلیسە بوینە قوربانی ئەرا پارێزگاری کردن لە ئاسایش کۆمەڵگا".
وتیش، بیجگە لەو دوو پۆلیسە هاوسایگیانیش تەمەن 58 ساڵان تەقە لەلیکریاگە" لە شوین رویداوەگە مردنی راگەیاننە".
دو پۆلیس زەخمدار بوینە وە سوکی و ئەرا خەسخانە کلکریانە.
لە ئەنجام پۆلیس یەکەی تایبەت ئەرا ماڵەگە کلکەێد هێزەگە وەچەن ساعەتیگ ئاخڵەی ماڵەگە دان لە نزیک ساعەت 22:30 سێ لە توومەتبارگەیش دەسگیر کەن، ک دووانیان پیاو بوین و یەکیگیش ژن کوشیان.
پۆلیس ناسنامەی ئەو سێ کەسە ئاشکەرا نەکرد، باوجی رووژنامەی "زە ئوسترالیا" وت ئەوانە خاوەن ماڵەگە بوینە و وەڕێەوبەر مەکتەویشە برا و براژنەگەی بوینە.
