کوشیان ٨ سەرباز و رفیان ٧ پولیس لەئەنجام دوو پەلامار لە پاکستان
شەفەق نیوز/ سەرچەوەیل ئەمنی پاکستانی، ئمڕوو سێشەممە، خەوەردان لە کوشیان ٨ سەرباز و رفیان ٧ پولیس لە ئەنجام دوو پەلامار مەوقەی شەو لە باکوور خوەرئاوای وڵاتەگە.
بزووتنەوەی تاڵیبان وەرپرسایەتی یەکیگ لەو پەلامارەیلە هەڵگرد، وەگورەی قسەی وەرپرسەیل پولیس و هەواڵگری.
ئەفسەریگ لە هەواڵگری ناو خوەی ئاشکرا نەکرد کوشیان هەشت سەرباز و نۆ لە پەلاماردەرەیل راگەیان، و دیاری کرد کە چەکدارەیلیگ پەلامار خاڵ وەشکین پاسەوان سنوور لە ناوچەی تیراه٨دان لە هەرێم خەیبەر باختونخوا لەشان ئەفغانستان.
وتیش: تا چەن ساعەتیگ تەقەکردن ناوەین دوو لایەن وەردەوام بوی.
بزووتنەوەی تاڵیبان پاکستانی وەرپرسایەتی خوەی لەی پەلامارە ئاشکرا کرد، و وت: پەلامارەگە لە وڵامدان وەبان ئەوە کە هیزەیل ئەمنی یەکیگ لە جەنگاوەرەیلی کردیەسە ئامانج.
لەلاییگ ترەک، ئەفسەریگ لە پولیس وت: لە پەلاماریگ ترەک، هەفت پولیس رفیانە و وەرەو شوین نادیاریگ بریانە، و دیاری کرد کە چەکدارەیلیگ دەورگرد خاڵ وەشکین کردن لە ناوچەی بانو لە هەرێم خەیبەر باختونخوا و چەک پولیسیش زەفت کردن.
هویچ لایەنیگ وەرپرسایەتی خوەی لەی پەلامارە ئاشکرا نەکرد.
