واشینتۆن توومەتبار مۆسکۆ کەێد ک هالە پشت پەلامارە ئەلیکتڕۆنیە گەوراگان لەبان ئەمریکا
2020-12-19T06:42:29+00:00
شەفەق نیوز/ مایک بومبیۆ وەزیر دەرەوەی ئەمریکا، ئمڕوو شەممە، وت؛ رووسیا هالە پشت پەلامارە ئەلیکتڕۆنیە گەوراگان ک رەسینە چەن ئاژانسەیلیگ حکومەتی ئەمەریکی و هەمیش ئامانجەیلیگ لە گشت لایەیل جهان.
بومبیۆ ئەرا بەرنامەی «دی مارک لیڤین شۆ» وت: ئیسە توینیمن وە گشت ئاشکراییگ بویشیمن ک رووسەگان هانە پشت ئەو پەلامارە.
ئەوەیش لە دویای راگەیانن بڕاد سمیت سەرۆک کۆمپانیای مایکرۆسۆفت ک ئەو هەڵمەت دزەییە ک حکومەت ئەمریکی کەفێدە وەری و جەختی کردگەسە بان ٤٠ دامەزراو، گومان کریاگە ک رووسیە.
