هەنەکی کەسیگ رەسێدە کوشیان
شەفەق نیوز/ وەزارەت ناوخۆی سوریا، ئمڕوو چوارشەممە، راگەیان تاوانیگ بۊە، و یەکیگ لەو دو برادەرە لەلی بۊەسە قوربانی، هەنەکی وە چەک کردنە.
وەزارەتەگە لەبان فەیسبووک نۊسان: گەنجیگ هاتیە گومان لەخوەی دۊر بخەێد، دۊای ئەوە ک گولەی نەزانستن برادەرەگەی کوشتیە، ئیجا دزی لەلی کردیە و وایە.
وتیش: یەکیگ لە هاوڵاتیەیل خەوەر لە تەرمیگ لەناو دوکانەگەی دا، و هەنای ئاسایش رەسیە شۊنەگە، دەرکەفت ک قوربانیەگە گولە دریاسە سەری، و مۆبایلەگەی و پۊلەگەی دزیاگە، و لەپشت مینەکردن، گومان کەفتە بان برادەر قوربانیەگە، چۊنکە هەر خوەی لەلای بۊە.
وەزارەتەگە وتیش: دۊای دەسگیرکردنی، ئاشکرای کار خوەی کرد ک وەنەزانستن گولە لە دەسی دەرچگە، ئەوەیش لە مەوقەی هەنەکی بۊە، ک دەوانچەی "ماكرۆف" ناسە تیوڵ برادەرەگەی و گولە لەدەسی دەرچگە، ک لەلای خوەیەو گولە لەناوی نییە.
تومەتبارەگە وتیش: دۊای ئەوە خوازیە خوەی لە گومان دۊر بخەێد، و هاتیە مۆبایل و پۊل برادەرەگەی دزێە.
