هيزه‌يل ئه‌مريكى له نزيك سه‌رچه‌وه‌يل نه‌فتى له سوريا جيگيره‌و بوين
2019-11-04T09:10:07+00:00
شه‌فه‌ق نيوز/ هيزه‌يل ئه‌ميكى چينه‌سه ناو شار ده‌رباسيه‌ى سوورى نزيك له مه‌رزه‌يل توركى و له نزيك سه‌رچه‌وه‌يل نه‌فتى ك وجوود ديرێد له ناوچه‌گه جيگيره‌و بوينه‌و هيزه‌يل سورياى ديموكراتيش وه‌ليانا وجوود ديرن.
يه‌يش له‌وه‌ختيگه زويتر دۆناڵد تره‌مپ سه‌رۆك ئه‌مريكا, ئاشكراى ئه‌وه كرد شماره‌يگ دياريكرياێ له هيزه‌يل ئه‌مريكى له سوريا ميننه‌و له‌وه‌ر خاتر ده‌سه‌وه‌ركردن سه‌رچه‌وه‌يل نه‌فتى له باكوور و خوه‌رهه‌ڵات ئه‌و وڵاته‌و مقه‌يه‌تيكردنى له داعش.
وه‌گووره‌ى چه‌وديره‌يليش، مقه‌يه‌تيكردن سه‌رچه‌وه‌يل نه‌فتى له باكوور و خوه‌رهه‌ڵات سوريا له پاسماوه‌يل ريكخرياگ داعش ئامانج ئاشكراكرياى ئداره‌ى ئه‌مريكيه، وه‌لێ مه‌سه‌له له‌وه نيه، چوينكه واشنتۆن ئه‌خوازێد سوود له‌و سه‌رچه‌وه‌يل نه‌فتيه وه‌ربگرێد.
