هه‌واڵه‌يل دڵخوه‌شكه‌ر له چين وه‌رده‌وامه
2020-03-30T10:28:06+00:00
شه‌فه‌ق نيوز/ ليژنه‌ى ته‌ندروستى ده‌وڵه‌ت له چين، ئاشكراى ئه‌وه كرد 2396 كه‌س تويشهاتگ وه ڤايرۆس تازه هيمان چاره‌سه‌ر وه‌رئه‌گرن له نه‌خوه‌شخانه‌يل وڵاته‌گه و 93%يش له جه‌م تويشهاتگه‌يل خاسه‌و بوينه.
وه‌گووره‌ى دويا هه‌واڵه‌يليگ ئه‌وه ده‌ركه‌فت ك شماره‌ى حاڵه‌ته‌يل تويشهاتن وه ڤايرۆسه‌كه له‌ناو چين ره‌سيه‌سه 81470 حاڵه‌ت و له‌و شماره‌يشه 75770 كه‌س خاسه‌و بوينه‌و له نه‌خوه‌شخانه ده‌رچينه.
يه‌يش له‌وه‌ختيگه ريكخرياگ ته‌ندروستى جه‌هانى له 11ى مارس باس له‌وه كرد بڵاوبوينه‌وه‌ى ڤايرۆس كۆرۆنا حاڵه‌تيگه كوشنده‌و تويش وڵاته‌يل فريه‌يگ هاتگه له جه‌هان.
