هندستان.. ئامار قوربانیەیل رمیان زەوی رەسیە ٣٥٨ کەس
2024-08-03T15:19:53+00:00
شەفەق نیوز/ شمارەی قوربانیەیل رمیان زەوی لە ئەنجام وارانەیل رفت لە ناوچەی وایناد لە ویلایەت کیرالا باشوور هندستان لە رووژ سێشەممەی گوزەشتە رەسیە ٣٥٨ کوشیاگ، و سەدان زەخمدار و بیسەروشوین.
رووژنامەی "ئینديا تودەی" ئمڕوو شەممە، نویسان کە شمارەی قوربانیەیل رمیان زەوی لە ناوچەی وایناد لە ویلایەت کیرالا رەسیە ٣٥٨ کەس، کە تیمەیل رزگارکردن تەقەلا دەن زویوەزوی بڕەسنە هاناێ کەسەیلیگ لەژیر رمیاگەیل، و رادار وەکار تیەرن تا لە قویلایی پەیایان بکەن.
وتیش: هیمان زیاتر لە ٢٠٠ کەس بیسەروشوینە، کە یە پەنجەم رووژە لە مینەکردن و ئامادە باشی.
وتیش: دەسەی کەشناسی هندستان هوشداری وە رەنگ سوور بڵاو کرد ئەرا وارانەبە رووژەیل شەممە و بە لە وایناد، و مەزەنە کریەێد تا ٦ ئاب واران بوارێد.
