نەفت داوەزێد وەگەرد وەردەوامی دانوسانەیل ئەرا کۆتاییهاوردن وە جەنگ ئیران و ئەمریکا

شەفەق نیوز - وەدویاچگن

نرخ نەفت، شەوەکی ئمڕوو دووشەممە، وە رێژەی زیاتر لە 1% داوەزیا، وەگەرد وەردەوامی دانوسانەیل ئیران و قەتەر ئەرا رەسێن وە ڕێککەفتنیگ کە کۆتایی  وە جەنگ ئەمریکا و ئیسرائیلی وەرد ئیران تیاریەێد، لەناو ئومێدەیل وە وەرەونواچگن دیپلۆماسیگ کە رخداری لەبان  ئامادەکردن وزە کەم بکەێد.

گرێبەسەیل ئایندەی خام برێنت وە بڕ 1.59 دۆلار، یا 1.4%، داوەزی و رەسیە 111.84 دۆلار ئەرا بەرمیلیگ، لە وەختیگ خام خوەرئاوای تێکساس ناوڕاس ئەمریکی وە بڕ 1.56 دۆلار، یا 1.5%، داوەزی ئەرا 102.56 دۆلار ئەرا بەرمیل.

ئی داوەزینە لەدویای ئەوەگ هات کە خام برێنت مامەڵەیل تشرینی یەکەم لە بەرزترین ئاستی لەماوەی شەش مانگ کۆتایی وەپی هاورد، وەمدوو رخداریەیل لە نووەوبوین کرژی  سەربازی لە ناوەین ویلایەتە یەکگرتگەیل و ئیران.

دانوسانەیل ناوەن وەپرسەیل ئیرانی و قەتەری ئەرا رووژ سێیەم وە  وەردەوامن، لە هەمان وەخت وەگەرد وەردەوامی رخداری ئەمنی لە گەرووی هورمز، لەدویای پەلاماردان کەشتییەیل نەفتی کە تێچگ وزە و بار لە جیهان بەرزەو کرد.

لە هەمان وەخت، کۆمەڵەی ئۆپیک پڵەس ئامانجەیل بەرهەمهاوردن نەفت ئەرا مانگ کانونی دوویەم بێ دەستکاری مەننەو، لەناو ناجیگیریەیل هاوردەیل نەفتی کە بەسیاس وە جەنگ ئیرانی.