ژنیگ ئۆکرانی تەقەلای دزیکردن لە بانکیگ پۆڵەندی دەێد
2022-12-08T14:29:28+00:00
شەفەق نیوز/ خانمە پەنابەریگ ئۆکرانی، ئمڕوو پەنجشەممە، پەلامار یەکیگ لە لقەیل بانک PKO Bank Polski لە شار بیریمیلشی پۆڵەندا دا، و چەقوویگ نادە مل یەکیگ لە خانمەیل فەرمانەدبەر و داوای پویل کرد.
کارمەنەیل ناو بانکەگە کیسەیگ پڕ لە پویل دانە دەس ژنەگە، ئیجا وەناکاو کەیوانوویگ پۆلەندی هاتە مەیدان، و وە جاڕوویگ دادە ژنە دزەگە، و چەقووەگە لەدەسی خست، ئیجا کارمەنەیل بانکەگە چەقووەگە لەلی بردن.
پولیس هەنای رەسیە شوینەگە ژنەگە دەسگیر کرد و بریا خەسەخانەی دەروینی، و رووژنامەوانەیل وتن ڕەگەزنامەی ژنەگە ئۆکرانی بویە.
