"ناتويه‌نم هه‌ناس بيه‌م".. دويا وشه‌يل خاشقى بويه
2018-12-10T07:07:00+00:00
شه‌فه‌ق نيوز/ "ناتويه‌نم هه‌ناس بيه‌م".. ئى وشه‌يله دويا وشه‌يل جه‌مال خاشقچى رووژنامه‌نويس سعودێ بويه وه‌رجه كوشتنى له ئه‌سته‌مبوڵ له 2 ئوكتۆبه‌ر/ ته‌شرين يه‌كه‌م، ئه‌ويش وه گووره‌ى سه‌رچه‌وه‌يگ ك ئاگادار بويه له په‌يجووريه‌يل.
ئه‌و سه‌رچه‌وه ك ده‌ق تۆماره ده‌نگيه‌گه‌ى خاشقى خوه‌ندنه‌و، وت: ئاشكراس ك مه‌سه‌له‌ى كوشتن خاشقچى ته‌نيا هه‌وڵيگ نه‌ويه، به‌ڵكوو پلانيگ بويه‌و زويتر ئه‌راێ دانرياوێد.
جى باسه، وه گووره‌ى ريڕه‌و ئه‌و كرده‌وه‌ى دڕندانه، سه‌رچه‌وه‌گه هه‌ميش وت: هه‌وڵه‌يل خاشقچى دژ ئه‌و كه‌سه‌يله ك تواسنه بكوشتنه‌ى فريه بويه، وه‌لێ خاشقچى دوياجار سێ جار وتگه: "ناتويه‌نم هه‌ناس بيه‌م".
