مڕەمڕ دوو سەگ مرافەیگ ناوبەێن ژن و پیاویگ نەێدەو لە نیویۆرک
2023-06-19T07:13:03+00:00
شەفەق نیوز/ وەرپرسەیل ئەمنی راگەیاننن پیاویگ تا سنوور مردن وە چەقوو دایەس لە سەگیگ لە جویر بیتبول لەدویای مەراف وەگەرد خاوەن سەگەگە لەناو سەنترال پارک شار نیویۆرک.
پۆلیس وت، سەگەگە تویش زەخمداری مەترسیداریگ بویە ئەرا خەسخانەی ئاژەڵە ماڵیەگان کلیکردنە و شیوەی وە بەزایانە کوشتنەسی لەدویای چەقوو وشاننەگەی شەو شەممە.
وەپای رووژنامەی نیویۆرک دەیلی نیوز، مەرافەگە هەنای لەناوبەین ئەو ژن و پیاوە دروسبویە سەگە ئازادەگەی پیاوەگە سەگ ژنەگە گەزێد، هەنای توان دوو سەگەگە لەیەکەو بکەن پیاوگە چەقوویگ درارێد پەلامار سەگە بیتبۆلەگە دەێد.
تا رووژ یەکشەممە کابراگە دەسگیرنەکریاس ، تا ئیسە لێکۆڵینەوە لە رویداوەگە وەردەوامە.
