مناڵیگ عراقی بوودە قوربانی...تاوان دەسدرویژیکردن وکوشتن جادەیل سوریا هاوردە لەرزە
شەفەق نیوز/ تاوان دەسدرویژیکردن وکوشتن مناڵیگ عراقی لە شار رەس عەین-کۆبانی- لە شارۆچکەی حەسەکە باشوور سوریا، رای گشتی هاوردە لەرزە.
چالاکوانەیل سوریا خەوەردان؛ مناڵیگ وە ناو یاسین رەعەد مەحمود رویوەروی کوشتن بویەسەوە وە شیوەی دڕندانەیگ لەبان دەس کابرایگ سوری وەناو مستەفا سەلامە، ک یەکیگە لە ئەندامەیل فراکسیۆن چەکداری، خەڵک شار سوران لە حەمات.
تووڕەیل کۆمەڵایەتی پێشەنگ وینەی مناڵەگەو و بکوشەگە بڵاوکردن و دوای ئەوە وەلایەن چەکدارەیلە و لاوریا.
سەرچەوەیگ سوری لە ماف مرۆڤ ناسنامەی تاوانبارەگە ئاشکەراکرد ک ئەندامە لە فراکسیۆن چەکداری "سقور شەمال" وتیش، تاوانبارەگە " مناڵەگە یاسین رفانیە و دەسدرویژی کردیەسە سەری و دوایی کوشتیەسێ و تەرمەگەی لە شوینیگ لە شار رەئس ئەلعین فڕەدایە، سەر وە ناوچەیگ ک ناسریاگە وە نەبع ئەلسەلام لە دەوروگەرد حەسەکە".
راپۆرتەیل پزیشکی دووپاتکەن مناڵەگە وەرجە مردنی دەسدرویژی کریاسە بانی، و دویای ئەوە وە چشت تیژیگ دریاس لەلی و سەنگ واران کریاس، وتیش بیجگە لەوەیش وە تونی دریاس لەلی، پۆلیس شوینەوار تاوانەگە لە ناو ماڵ تاوانبارەگە پەیاکردن.
رویداو کوشتنەگەی یاسین عراق لە دویای چەن هەفتەی کەمیگ بوی لە رویداو کوشیان دویتە مناڵ سورییگ وەناو جوی، ک تەرمەگەی لەناو گناڵەیلە پەیاکریا لە تەل نەسر لە حمس، بکوشەگە دەسدرویژی کردوێدە بانی وەچشت تیژیگ دایەسە بان سەری و روخساری شیوانوێد دویاجار خوەی قورتار کردیە لە تەرمەگەی.
