مناڵیش هاناویان.. بەرزەوبۊن قوربانیەیل گەردەلۊلەی ویلایەت ئایوای ئەمەریکا
شەفەق نیوز/ ئامار قوربانیەیل گەردەلۊل ویلایەت ئایوا لە ئەمریکا، رەسیە هەفت کەس لەلای کەمەو، دووانیان مناڵ لە تەمەن خوار ٥ ساڵان بۊ، وەگورەی قسەی وەرپرسەیلیگ، ئمڕوو دووشەممە.
پیرەکە یەکشەممە، ئەو ویلایەت ئەمریکیە کەفتە وەر گەردەلۊل تونیگ. قوربانیەیلە شەش کەس لە کەرت ماديسون، وەگەرد چوار زەخمدار، و هەمیش کوشیان کەسیگ لەناو عەروانەیگ گوزەران کردگە لە ناوچەی ئاویی لۆکاس.
وەرز گەردەلۊل لەو ناوچە وەرجە وەخت خوەی دەسوەپی کرد، و وەشیوەیگ خراوتر لە مەزەنەی کەشناسەیل بۊ، وەگورەی رووژنامەی واشینتۆن پۆست.
دەزگای رەوانگەی کەشوهەوا لەبان تویتەر نۊسان " ئەو زەرەدەیلە لە نزیک وینتریست وەگەرد گەردەلۊلەگە بۊ، شایەت بکەفێدە پلەی ٣ لەبان پەیمانەگە ک لە ٠ تا ٥ پەیمانەی سەختی گەردەلۊل کەێد.
وای تونیگیش گشت ری کارفەر گردەو، ودەسەڵاتەیلە مەزەنە کردن لە ٢٠ تا ٣٠ ماڵ لەبان ریەگە ویران بۊ، وەگەرد زەرەدەیلیگ لە دەیشت شارەگە.
ئەو گەردەلۊلەیلە هەزاران کەس تا وەخت دیریگ لە رووژ شەممە وەبی کارەبا هیشت.
