مرافەی گەورەیگ لەناونی سەرکردەیل تاڵیبان لەناو کۆشک سەرۆکایەتی ئەفغانستان

شەفەق نیوز/ بی بی سی لە زوان وەرپرسەیلیگ پایەبەرز لە بزووتنەوەی تاڵیبان وتن: ناکۆکی گەورەیگ کەفتە ناونی سەرکردەیل بزووتنەوەگە دەربارەی دروسکردن حکومەتە نووەگە.

وەرپرسەیلە وتن: مرافەیگ لەناوبەین عەبدولغەنی براداردا دامەزرێنەر هاوبەش کۆمەڵەگە وەگەرد یەکیگ لە ئەندامەیل ئەنجومەن وەزیرەیل لە کۆشک سەرۆکایەتی لە اکبڵ لە کۆتایی هەفتەی گوزەیشتە بۊی.

سەرچەوەیگ لە تاڵیبان ئەرا بی بی سی باچۆ وت: برادار و خەلیل ڕەحمان حەقانی وەزیر باوەت پەنابەرەیل و کەسایەتی ناودیار لە تووڕەگەی حەقانی قسەیل تونیگ وەیەک وتن، و لایەنگرەیلیان لە شۆن نزیکی مرافە کردن، و سەرچەوەیلە وتن: مرافەگە دەس وەپیکرد چۊنکە برادار، جیگر سەرۆک وەزیرەیل لە دروسکردن حکومەت وەختانە رازی نییە.