لەوەر بیئومیدی.. لە دەوڵەتیگ عەرەبی هەر دوو رووژ کەسیگ خوەی کوشێد
2024-01-05T06:49:57+00:00
شەفەق نیوز/ وڵات لوبنان لە ساڵ ٢٠٢٣ شمارەیگ پەیمانەی لە خوەیکوشتن لەناو هاوڵاتیەیلی توومار کرد، کە بەشیگیان رەوشەیل ژیانگوزرانی لەبانی سەختەو بوی.
وەگورەی شمارەی کۆمپانیای زانیاری ناودەوڵەتی، شمارەی خوەیکوشتن لە لوبنان زیایبوین وەرچەویگ لە ساڵ ٢٠٢٣ توومار کرد کە وە ڕاست ١٦ لەسەد لە ساڵ ٢٠٢٢ زیاتر بوی.
هەر ٤٨ ساعەت یەک خوەیکوشتن
کۆمپانیاگە ئاشکرا کرد کە شمارەی خوەیکوشتن لە لوبنان وە ڕاست ١٦ لەسەد لە ساڵ ٢٠٢٣ بەرزەو بوی، کە رەسیە ١٧٠ کەس کە لەساڵ ٢٠٢٢ ١٣٨ کەس بوی، ئەوەیش لەوەر رەوشەیل ئابووری و قەیران دارایی و کۆمەڵایەتی و ئەمنی لە وڵاتەگە.
