لە ئەنجام پەلامارەیل ئیسرائیل یەک ملیۆن لوبنانی ئاوارەبوین

شەفەق نیوز/ سەرۆک شانەی قەیرانەیل لە حکومەت لوبنان ناسڕ یاسین، ئمڕوو یەکشەممە، ئاوارەبوین نزیکەی یەک ملیۆن هاوڵاتی لە ناوچەیل باشوور راگەیان لەوەر گورزە وەردەامەیل ئیسرائیل.

لەماوەی دوو رووژ وەرین ئیسرائیل دانیشتگەیل شمارەیگ لە کویچەیل دەوروگەرد باشوور  بەیرۆتی پایتەخت و باشوور لوبنان و بەقاع ئاگادارکردیە، یەیش بویەسە مدوو شەپولەیل ئاوارەبوین لە باشوور وڵاتەگە لەناو گورزە خەسەیل ئیسرائیلی.

شارەیل ناوڕاس و خوەرهەڵات و باشوور لوبنان دویەشەو شەممە، رویوەروی گورزەیل ئاسمانی ئیسرائیلی بوی کە وە یەکیگ لە تونوتیژەیل دانرێد لە هەشت ئۆکتۆبەر 2023ەوە تا ئیسە بویە مدوو زەخمداری و قوربانیبوین

وەزیر تەندروسی لوبنان فراس ئەبیەز راگەیان، 1640 کوشیان توومارکریایە لەناویان  104 مناڵن و194 ژنن، وەگەرد 8408 زەخمداری، نزیکەی ماوەی ساڵیگە وەگەرد دەسوەپیکردن پەلامارەیل ناوەین ئیسرائیل و حزبولڵا.