لە رویداو نوویگ لە دانیمارک.. سزانن چاپەیلیگ لە قورئان لە وەردەم باڵیۆزخانەی میسر و تورکیا
دانیمارک و سوید وتن؛ ئیدانەی سزانن قورئان کەن، وەلێ نیەتوەنن نوای ئی کارە بگرن وەگورەی ریسگایلیگ ک مقیەتی ماف ئازادی نشاندان کەن.
ناڕەزایلیگ لە عراق، لە هەفتەی گوزەشتە ئاگر نانە باڵیۆزخانەی سوید لە بەغداد.
خوەینشاندان ئمڕوە سێشەممە لە کۆبنهاگن ک گۆمەڵەیگ ڕێکی خستنە ناو خوەیان وە (دانیمارکەیل نیشتمانپەروەر) نانە، دویای ئەوە ک چاپەیلیگ لە قورئان لە رووژ دووشەممە، و لە هەفتەی گوزەشتە لە وەردەم باڵیۆزخانەی عراق سزانن، و لە مانگ گوزەشتە دوو رویداو لەیجویرە لە سوید بوی.
وەزارەت دەیشت عراق، رووژ دووشەممەی گوزەشتە، داوا لە دەسەڵاتەیل کرد وەزوی بنووڕنە ئەو کارە ک وەپی ئویشن ئازادی قسەکردن و ماف خوەینشاندان، دویای کردەوەیل قورئان سزانن.
دویەکە تورکیا وە زبری شەرمەزار ئەو کارە کرد ک وەپی وت (پەلاماریگ نانەجیب) لەبان قورئان، و داوا لە دانیمارک کرد ریکارەیلیگ ئەرا نەهیشتن ئی (تاوان خوەسەهاتن)ە لەبان ئیسلام جیوەجی بکەێد.
رووژ سێشەممە، وەزارەت دەیشت میسری داوای جیوەجیکەر کاروبار باڵیۆزخانەی سوید کرد ئەرا شەرمەزارکردن رویداوەیل سزانن قورئان و سووکایەتیکردن وەپی.
