لايه‌نگره‌يل عه‌فرين له توركيا ده‌سوه‌سه‌ر ئه‌كريه‌ن
شه‌فه‌ق نيوز/ دادگاى توركى فه‌رمان ده‌سوه‌سه‌ركردن شماره‌يگ له خوه‌ندكاره‌يل زانكۆ ده‌ركرد وه تومه‌ت بڵاوكردنه‌وه‌ى دعايه‌ى تيرۆريستى دوياى ئه‌وه‌گ خوه‌ينيشانداينيگ ريكخستن دژ كرده‌وه‌يل سه‌ربازى توركى له باكوور سوريا.
له‌ى باوه‌ته‌و، روێته‌رز دادگاى توركى فه‌رمان ده‌سوه‌سه‌ركردن 9 خوه‌ندكار زانكۆيى ده‌ركردگه ك دژ كرده‌وه‌يل سه‌ربازى توركى بوينه له ناوچه‌ى عه‌فرين له باكوور سوريا ك يه‌يش له‌يوا كرد ره‌جه‌ب ته‌يب ئه‌ردوغان سه‌رۆك ئه‌و وڵاته تاريفيان وه تيرۆريست بكاو فه‌رمان وازكردن په‌يجورى وه‌ليانا درياگه.
جى باسه، له‌لايه‌ن خوه‌ييشه‌و، كه‌مال قليجدار ئۆغلۆ سه‌ركرده‌ى حزب ملله‌ت كۆمارى ك گه‌وراترين حزب ئۆپۆزسيۆنه، قسه وه ئه‌ردوغان كرد و وت: دياريكردن چاره‌نويس ئه‌و خوه‌ندكاره‌يله مه‌سه‌له‌يگه په‌يوه‌س نيه وه سه‌رۆك و نه‌بايه‌د توركه‌يل كوشتار و گرتن ئه‌نجام بيه‌ن و له هه‌مان وه‌خت ئه‌ردوغانيش وه ديكتاتۆر تاريف كرد و وت: ت كييد تا قه‌يه‌غه‌ى خوه‌ندكاره‌يل له خوه‌نين بكه‌ێد؟ ئايا زانكۆيه‌يل موڵك باوگده؟
