پەلاماریگ وەلایەن فڕۆکەیل بیفڕۆکەوان ئۆکرانیا زەرەد وە کەشتییگ نەفتهەڵگر رووسیا رەسنێد
ئاژانس خەوەری فەرمی رووسیا تاس لە زار ناوەند فریاکەفتن دەریایی وت: تانکەرەگە سزیایە و زیان وەپی رەسیە و دوو بەلەم کیشانن رەسینە شوین پەلامارەگە.
"تاس" وتیش: هویچ ماددەیگ لە تانکەرەگە نزە نەکردیە، کە ١١ کەس لەناو تانکەرگە بوین.
رووژنامەی "مۆسکۆ تایمز" ئاشکرا کرد کە کەشتییە نەفتهەڵگرەگە وەناو "SIG" کەفتیەسە ژیر سزای ئەمریکا.
ڤلادیمێر ڕۆگۆڤ، وەرپرسیگ رووسی لە ناوچەی زاپۆریژیا لە باشوور ئۆکرانیا راگەیان، لە پەلامارەگە بەش فرەیگ لە کارمەنەیل کەشتییەگە وەمدوو شویشە شکیان زەخمدار بوین.
رۆگۆڤ لە تەلەگرام نویسان: "تەقینەوەگە لەبان کەشتییەگە لە کریماو دیارە، کە مەردمەیلی گومان کردن تەقینەوەیگ بویە لە نزیک ناوچەی یاکۆڤێنکۆڤۆ لە نزیک پیەڵ کریما".
وەگورەی ناوەند زانیاری ریوبان لە کەناڵ تێلێگرام، هامشوو لەبان ئەو پیەڵە کە نیمچە دوورگەی لکێنراو وە مۆسکۆ بەسێدەو، تا ماوەی نزیکەی سێ ساعەت بڕیا، وەرجە ئەوەگ شەوەکی ئمڕوو شەممە واز بوود.
ماڵپەڕ کاروبار کەشتییەیل "ترافیک دەریایی" دەرخست کە تانکەرەگەی SIG جمە نەکرد، وە دوو بەلەم کیشانن دەورە دریایە لە باشوور گەرووەگە.
دوایین پەلامار لە دەریای سیا وەگەرد ئەوە بوی کە ئۆکرانیا رووژ جمعە راگەیا کە یەکیگ لە فڕۆکە بێفڕۆکەوانەیل کەشتییگ جەنگی رووسیا لە بنکەیگ لە دەریای سیا کردیەسە ئامانج، لە وەختیگ رووسیا وتیە کە پەلامارە ئاسمانییەیل لەبان کریمیا نواگیر کردیە.
