كوه‌يت له‌ترس حه‌شد شه‌عبى داواى هاتن هيزه‌يل بريتانى ئه‌كا
شه‌فه‌ق نيوز/ مايكڵ دافنبورت باڵوێز بريتانى له كوه‌يت، ئاشكراى داواكارى كوه‌يتى كرد ئه‌را دابينكردن وجوود سه‌ربازى بريتانى له وڵاته‌گه وه‌شيوه‌يگ وه‌ختى، ئه‌ويش له‌وه‌ر ترس له روێداگه‌يل گه‌ورا ك شايه‌ت باێده توويش ناوچه‌ێ كه‌نداو.
له‌ى باوه‌ته‌و، سه‌رچه‌وه‌يل سياسى كه‌نداو له لێدوانه‌يل رووژنامه‌گه‌رى ئه‌وه ده‌رخستن ك كوه‌يت وه هويچ شيوه‌يگ ئسراحه‌ت ئه‌را نياز حه‌شد شه‌عبى له عراق ناكاو دڵنيا نيه له‌لێ، وه‌تايبه‌ت له قوناغ دوياى هه‌ڵوژاردنه‌يل عراق له ئايار ئاينده ك ئه‌گه‌ره‌يل ئه‌وه هه‌س سه‌ربكه‌فێد له هه‌ڵوژاردنه‌يل و له‌هه‌مان وه‌خت ئسراحه‌تيش ئه‌را وازيه‌يل ئيرانيش ناكا له‌ناونى گشت ماوه‌يگ جاريگ.
جى باسه، هه‌مان سه‌رچه‌وه‌يل باس له‌وه‌يش كردن و وتن: حه‌شد ك جوور هووكاريگه وه‌ده‌س ئيرانه‌و له عراق رێ ئه‌را خوه‌ى ديه‌سه‌و ئه‌را به‌شدارى له هه‌ڵوژاردنه‌يل له وه‌ختيگ ك رى وه ميليشيايه‌يل چه‌كدار نه‌دريا.
