كوشيان زياتر لە ٤٠ كەس وە گورزەیل ئیسرائیل لە لوبنان
شەفەق نیوز/ دویەکە پەنجشەممە، وە گورزەیل ئاسمانی ئیسرائیل وەبان خوەرهەڵات و باشوور لوبنان، زیاتر لە ٤٠ کەس کوشیانە، وەگورەی قسەی دەسەڵاتەیل لوبنانی، لە وەختیگ حزبولڵا پەلاماردان سەربازگەیگ ئیسرائیلی نزیک تەلئەبیب راگەیان.
لە ئەنجام گورزیگ ئیسرائیلی وەبان بنکەی وەرگری شارستانی تەرم ١٢ کەس دراوردن لە شار بەعلەبەک خوەرهەڵات لوبنان، وەقسەی پارێزگار بەعلبەک - هرمل لەبان پلاتفۆرم ئێکس.
وایش: زیاتر لە ٢٠ کەس لەناو ئەو بنکە بوینە.
لەلای خوەییش، وەزارەت تەندروسی لوبنان وت: گورزیگ ئیسرائیل لە گەڕەک شەعب بویە هوکار کوشیان ٨ کەس، کە ژن هاناویان و ٢٧ کەسیش زەخمدار بوین.
وایش: ٤ کەسیش لە پەلامارەیلیگ ترەک لە چەن شوینیگ خوەرهەڵات وڵاتەگە کوشیان.
گورزیگ ئیسرائیل وەبان ناوچەی عەرەب سالیم باشوور لوبنان بویە هوکار کوشیان ٦ کەس، وەقسەی وەزارەت تەندروسی.
١١ کەس لەلای کەمەو لە پەلامارەیل ترەک لە باشوور وڵاتەگە کوشیان.
لەلاییگ ترەک، حزبولڵا لە بەیاننامەیگ شەفەق ئمڕوو وت: ئەرا یەکەم جاری پەلامار سەربازگەی قاعدة ’تەل حاييم‘، سەروە هەواڵگری سەربازی ئیسرائیل لە تەلئەبیب داگە وە مووشەک.
مووشەکەیل هەمیش گردەوبوین هیزەیل ئیسرائیل لە دەورگرد ناوچەی تیرحفا کردە ئامانج، و مووشەک قورسی وەرەو کریات شمونە وەشان.
.
