قەیران ناکاویی کارەبا دەێد لە کوێت
2024-06-19T13:06:31+00:00
شەفەق نیوز/ دەوڵەت کوێت، ئمڕوو چوارشەممە، بڕیانەیل ناکاوی لە وزەی کارەبا وەخوەی دی، وەگەرد بەرزەوبوین پلەی گەرمی وەشیوەی تیژیگ، کە خزمەتگوزارییەیل لە چەن ناوچەیگ وسان.
وەگورەی رووژنامەی "الراي" کوێتی، ناوچەی نوزهە و خیتان و سوبحان، وەگەرد ئاویاری و کارخانەیل بەندەر عەبۆلڵا شوێخ لەوەر زیایەی بارەیل لەبان کڕەیل کارەبا و گەرمیە سەختەگە کەفتنە وەر بڕیان کارەبا.
پسپۆڕەیل کەشناسی مەزەنە کەن پلەی گەرمی لە کوێت ئمڕوو بڕەسێدە 50 پلەی سەدی، کە رووژانە گەرمیەگە سەختەو بوود، و شەوانەیگ گەرمە.
کوێت وە یەکیگ لە گەرمترین ناوچەیل جەهان دریەێدە قەڵەم، کە سەختی وەڕیەوبردن وزە زیایەو کەێد.
