قەیران سوتەمەنی لە بەریتانیا خراوترە بوود
2021-10-03T08:26:42+00:00
شەفەق نیوز/ وەرپرسیگ بەریتانی هوشداری کرد ک قەیران سوتەمەنی لە بەشیگ لە ناوچەیلەی بەریتانیا خراوترە بوود، ک رز ماشینەیلە لە دەیشت بەنزینخانەکان بۊیە هووکار قەرەباڵغ هاتووچگن، لە دۊیەم پشۆی کۆتایی هەفتەگە لەشۊن یەک.
رووژنامەی ئەندیبیندیت لە زوان بریان مادرسون سەرۆک یەکێتی بازرگانەیل پتڕۆل وت: قەیرانەگە لە لەندەن و باشور خوەرهەڵات بەریتانیا هیمان خراوە، هەرچەن وەزیرەیلیگ وتن ک رەوشەگە ئارامە.
رووژنامەگە باس رزەیل دریژیگ لە پایتەختەگە لە وەردەم بەنزینخانەکان کرد، و پەیامنێر بی بی سی لویس گودال لەبان تویتەر نۊسان خ رزەیلە لە یەک ناوچە لە باشوور لەندەن دریژتر لە هەفتەی گوزەیشتە بۊی، و قەرەباڵغ گەورەیگ دروس کرد.
