فەرەنسا 70 هەزار پولیس ئامادە کەێد وەرانەور ئاڵووزییەیل نوو ئمڕوو
شەفەق نیوز - وەدۊاچگن
دەسەڵاتەیل فەرەنسی ئامادەکاری کەن ئەرا بڵاوکردن نزیکەی 70 هەزار پولیس، ئمڕوو شەممە، لەپیشوازى شەپوولیگ نوو لە ئاڵووزییەیل و ناڕەزایەتییەیل کە مەزەنە کریەێد چەنن شاریگ لە وڵاتەگە بگرێدەو، دۊای دوو هەفتە لە کارەیل ئاژاوە و تاڵانکردن کە زیانەیل فراوانیگ لە فرووشگایەیل و بینایەیل گشتی و کۆمپانیایەیل خستەو.
وەزیر ناوخۆی فەرەنسی لۆران نونێز، لە کۆنگرەیگ رووژنامەوانی لە هەفتەی گوزەشتە، وت کە دەسەڵاتەیل ری نیەن وە دووپاتەوبۊن کارەیل ئاژاوە وەرین، وە دووپاتکردن ئەوە کە دەزگا ئەمنییەیل هانە ئامادەباشی ئەرا مسۆگەرکردن "وەڵامیگ فرە تون" ئەرا هەر ئاڵووزییگ، لە رووژیگ کە ئەگەرەیل رویداین کارەیل تونوتیژی لەناوی وە "فرە بەرز" وەسف کرد.
هەرلیوا دەسەڵاتەیل ئامادەکاری کەن ئەرا ئەگەر پەنابردن ئاژاوەکەرەیل ئەرا وەکارهاوردن دەمامکەیل هالۆوین ئەرا شاردن ناسنامەیلیان، لە وەختیگ نونێز دەسنشان کرد ئەرا ئەوە کە یاسایەیل ری وە پولیس دەن لە ریگریکردن لە پووشین روخسار لە وەختیگ کە سیستەم گشتی بکەفێدە وەر رخباری، لە لای خوەیەو، باڵیۆزخانەی ئەمریکی تەمەی هاووڵاتییە گەشتیارەیلی کرد وە دۊرکەفتن لەو ناوچەیلە کە ناڕەزایەتییەیل یا گردەوبوینەیل گەورە وەخوەیان دوینن.
ناڕەزایەتییەیل لە کۆتایی ئەیلوول گوزەشتە بەرزەو بۊن، وە هاووەختی وەرد دەسکردن وە گفتوگۆەیل حکومەت لەبان بودجەی ساڵ 2027، لەناو فشارەیل زیايبۊ ئەرا سنووردارکردن خەرجییە گشتییەیل، لە سای نزیکەوبۊن قەرز گشتی لە 120 سەدەی بەرهەم ناوخۆیی گشتی و بەرزەوبۊن قەرزکردن، کاریگ کە سنوور ئەرا مەودای جویلەی دارایی حکومەت دانەێد.
خوەنەوارەیل بەشدار بۊن لەو ناڕەزایەتییەیلە کە ناڕەزایین لە کەمەوبوین دۆخ مەکتەوەیل و قەرەباڵغی پۊلەیل خوەنستن و سیستەم وەرگردن زانکۆیی کە وە نادادپەروەری دویننەی، بیجگە لە سەندیکایەیل کراکارەیل و بزووتنەوەی "ئێلگ زەردەیل" کە گلەو خوارد ئەرا روی گۆڕەپانەگە ئەرا داواکردن رێکارەیل کە سنووریک ئەرا بەرزەوبۊن خەرجەیل ژیان دانێد.
لیکەفتەیل ناڕەزایەتییەیل دریژە کیشا ئەرا دەیشت فەرەنسا، وەپەی ئەوەگ جویلەیل گەنجانە لە دەوڵەتەیل ئەورووپی ترەک گاڵ دا، لە وەختیگ کە بڕیارە ناڕەزایەتییەیل لە فرەتر لە 30 شار ئەڵمانی ڕێک بخریەن، ئمڕوو شەممە، و پەیمانەیل حکومەت فەرەنسی وە چاکسازی کەرت پەروەردە و کەمەوکردن بارگرانییەیل سزەمەنی سەرکەفتگ نەۊن لە کۆنترۆڵکردن ناڕەزاییەگە.
لەبان ئاست سیاسی، ئاڵووزییەیل پاڵنەریگ دانە سەرکردەی راسڕەوی تونڕەو مارین لۆپان، کە پیشەنگ راپرسییەیلە وەرجە هەڵوژاردنە سەرۆکایەتییەیل کە بڕیارە لە نیسان ئاینده ڕێک بخریەن، لە وەختیگ کە بەرەی ناوڕاس هێمان بەشەو بۊە لەبان کەسایەتییەیل ئەگەری ئەرا جیگردن سەرۆک ئیمانوێل ماکرۆن.
ئی پیشهاتەیلە لە وەختیگ تیەن کە ئابووری فەرەنسی رویوەڕویبوین فشارەیل زیاترەو بوود، دۊای ئەوەگ داتایەیل کە دۊکە جمعە دەرچگن داتایەیل لە ماوەی چارەک سێیەم لە ساڵەگە نیشان دان، و ژوور بازرگانی زیانەیل فرووشیارەیل تاک مەزەنە وە فرەتر لە ملیاریگ یۆرۆ، لە وەختیگ مەزەنەیل ترەک چن ئەرا ئەوە کە گشت زیانەیل شایەت بڕەسنە دوو ئەوەنەی ئی بڕە لە وەخت هەژمارکردن ئەو زیانەیلە کە وە بیمە پووشیاگ نیین وەرد داهاتەیل لەدەسچگن.
لە پایتەخت پاریس، شوینەوارەیل ئاڵووزییە وەرینەیل وە ئاشکرا دیار بۊن لەبان سمارەیگ لە فرووشگایەیل لە جادەیل سەرەکی بازاڕکردن، وەپەی ئەوە کە تەختە و تووڕە ئەمنییەیل دەور ڕووکارەیل دوکانەیل بازرگانی گردنە کە لە ماوەی کارەیل ئاژاوە زیانیان وەپیڕەسییە، لە ناویان فرووشگایەیل سەروە مارکەیل گرانبەها جۊر "هێرمێس" و "لوي ڤیتۆن" و "بێربێری".
لە چوارچیوەی رێکارەیل حکومەتی، دەسەڵاتەیل وەرەو نوا چن لە پڕۆژە یاسایگ مشتومڕهەڵگر کە ئاژاوەگیڕەیل وەرپرس کەێد لە قەرەبووکردن ئەو زیانەیلە کە بۊنەسە هوکاری، یا کە ئەو گرووپەیلە بۊنەسە هوکاری کە وە سەروەوان هەژمار کریەین، وە بڕەیلیگ کە رەسنە 10 هەزار یۆرۆر لە وەرانوەر یەیش، ریخریاگەیل مافەیل مرۆڤ و پارێزەرەیل هوشداری دان لەوە کە ئی رێکارە شایەت دەس بەێدە ماف ناڕەزایەتی ئاشتیانە.
