ئێف بی ئای: تەقەکردن لەناو یاریگای ترەمپ و دیارە تەقەلای کوشتنە

شەفەق نیوز/ نویسنگەی لێکۆڵینەوەی فیدڕاڵی ئەمریکی، (ئێف بی ئای) وت: تەقە کریاس لە نزیک یاریگای تایبەت دۆناڵد ترەمپ، دیارە تەقەلای کوشتنە ئەرا کاندید کۆماری ئەرا سەرۆکایەتی ئەمریکا.

وتیش: دەستی لێکۆڵینەوە لەوو رویداوە کریەێد لە کەرت وێست باڵم بیتچ لە ویلایەت فلۆریدا، کە دیارە تەقەلای کوشتنە ئەرا سەرۆک وەرین دۆناڵد ترەمپ.

دۆناڵد ترەمپ سەرۆک وەرین ئەمریکا دڵنیای دووسەیلی کرد، ئەوەیش دویای تەقەکردنیگ لە نزیک خوەی، وەگورەی تیم هەڵمەت هەڵوژاردن ترەمپ.

 جی باسە کە سەرۆک وەرین ئەمریکا لە ١٤ی تەمووز ٢٠٢٤ کەفتە وەر تەقەکردن مەوقەی پیشکەشکردن وتاریگ لەناو گردەوبوینیگ هەڵوژاردنی لە بنسلفانيا.