فرۆکەوانیگ ئۆکرانی ئەرا رزگاردن سەدان کەس خوەی کەێدە قوربانی
شەفەق نیوز/ فرۆکەوانیگ ئۆکرانی، فڕۆکەگەی کەفتە وەر ئاگر رووسیا، بڕیار دا خوەی بکەێدە قوربانی ئەرا رزگاردن سەدان کەس، هەنای هەر لەناو فڕۆکەگەی خوەی مەن چۊنکە لەبان ناوچەیگ بۊ ک پڕ لە ماڵەیل مەردم بۊ، تا فڕۆکەگەی رەسانە شۊن چووڵیگ.
ئیمینی دزیبار خانمە جیگر وەزیر دەرەوەی ئۆکرانیا، لە پۆستیگ لەبان تویتەر، رووژ چوارشەممە، نۊسان: فڕۆکەوانەگد ناوی "دیمیترۆ چوماچینکو" بۊ.
دزیبار دیاری کرد ک چوماچینکو فڕۆکەگەی وەخاتر وەرگریکردن لە ئۆکرانیا دژوە داگیرکەرەیل رووس رانیە، هەنای کەفتە وەر ئاگر رووسیا لەبان ناوچەی "جیتومیر".
وتیش: توەنست لەناو فڕۆکەگەی بچوودە دەر، باوجی ئەوە نەکرد، و رۊ فڕۆکەگەی وەرەو شۊنیگتر کرد تا رزگار سەدان کەس بکەێد.
وتیش: ئەو "پاڵەوان" و "نیشتمانپەروە" و ئەوەسا تا هەمیشە هەر مینێدە هۊرمان ئۆکرانیەیلە.
خانمە وەرپرسە ئۆکرانیەگە پۆستەگەی هاشتاگ "پشتگیری ئۆکرانیا بکەن" دانا، وەگەرد وینەی فڕۆکەوانەگە وەگەرد ژنیگ ک ناسنامەی دیاری نەکرد.
