کەفتن فڕۆکەیگ سەربازی ڕووسی ٦٥ دەسوەسەرکریاگ ئۆکرانی هاناوی
2024-01-24T11:04:22+00:00
شەفەق نیوز/ وەزارەت وەرگری رووسیا، ئمڕوو چوارشەممە، وت: فڕۆکەیگ سەربازی لە ناوچەی بیلگورود لە باشوور وڵاتەگە، نزیک سنوور ئۆکرانیا کەفتە خوار.
وەزارەتەگە دیاری کرد کە ٦٥ دەسوەسەرکریاگ لە هیزەیل چەکدار ئۆکرانیا لەناو فڕۆکەگە بوینە.
بە بەیاننامەیگ وتیش: فڕۆکەگە مارکەی ئیل-٧٦ بویە، ٦٥ کەس سەرباز (دیل) لە هیزەیل چەکدار ئۆکرانیا لەناوی بوین، ئەرا ناوچەی گواستنەوە بریان.
وەزیرەگە وتیش؛ دەسەیگ لە هیزەیل ئاسمانی رووسیا روی وەرەو شوین کەفتن فڕۆکەگە کردن، تا هووکارەیل رویداوەگە دیاری بکەن.
وەگەرد ئەو سەربازەیل ئۆکرانیا، وەرگری رووسیا دیاری کرد کە ٦ کەسیش لە تیم فڕۆکەوانی لەناو فڕۆکەگە بوینە، و ٣ کەس ترەک ناسنامەیان دیاری نەکرد.
وەزارەتەگە هویردەکاری لە چارەنویس کەسەیل ناو فڕۆکەگە پیشکەش نەکرد.
