کەفتن فڕۆکەیگ سەربازی ئیرانی.. ڤیدیۆ
شەفەق نیوز/ میدیایل راگەیانن ئیران، ئمڕوو دووشەممە، وتن: فڕۆکەیگ سەربازی لە نزیک شار تەبریز کەفتە خوار. میدیایلە باس کردن ک فڕۆکەگە سەربازیەگە دۊای هەڵسانی وەکوتپڕ کەفتە خوار، و بۊە هووکار کوشیان فڕۆکەوانەگە و یاوەرەگەی و یەکیگ لە هاووڵاتییەیل، وتیش؛ بندروس رۊداوەگە ها ژیر لێکۆڵینەوە.
فەرمانگەی پەیوەنیە گشتیەیلە لە کامپە ئاسمانیەگە "فكوري" دووپات لە کەفتن فڕۆکەگە کرد وەبی باسکردن لە هۊردەکارەیل.
بەیاننامەگە وتیش: فڕۆکەگە نزێک هۆڵ وەرزشی شەهید عەلی پوور لە جادەی مەنجم لە شار تەبریز کەفتە خوار.
بەیاننامەگە دیاری نەکرد ئەگەر لە کەفتن ئی فڕۆکەی سەربازیە قوربانی بۊەسەو، و هەمیش مارکەی فڕۆکەگە ئاشکرا نەکریاگە.
کامپ فکوری یەکیگە لە کامپەیل ئاسمانی سەروە سوپای ئیران و هالە شار تەبریز.
هەرلیوا، میدیایل راگەیانن ئیرانی، پارچە ڤیدیۆیگ بڵاو کردن نشان کەفتن فڕۆکەگە دەێد و تەقەلای کپکردن ئاگرەگە.
