سوید و فنلەندا وەنیازن بچنە ناو هاوپەێمانیەتی ناتۆ
شەفەق نیوز/ رووژنامەی The Times ی بەڕیتانی لە زوانی وەرپرسەیل بڵاویکردیە ک ڕووسیا " هەڵەی ستراتیژی گەپیگ " کردیە لەوەر ئەوە ک ئیسە سوید و فینلەندا وەنیازن وەیزۊ٣ تا تاوسان بوونە ئەندام لە هاوپەیمان ناتۆ.
لە راپۆرت رووژنامەگە هاتیە ئۊشێد؛ وەرپرسەیل ئەمەریکا وتنە وە ئەندامبۊن سوید و فینلەندا لە هاوپەیمانی ناتۆ " باوەت گفتوگویەیلیان بۊیە " لە کۆبۊنەوەگەی هەفتەی گوزەشتە وەزیرەیل دەرەوەی وڵاتەیل هاوپەیمان ناتۆ، ک سوید و فینلەنداش بەشداری لەلی کردنە.
هەفتەی گوزەشتە قسەکەر کرێملن دمیتری پێسکۆڤ وت ئەگەر سوید و فینلەندا بوونە ئەندام لە هاوپەیمان ناتۆ ڕووسیا ناچار بوود لە رێوشۊن خوەی " بارودۆخەگە دوارە هاوسەنگ بکەێد." داگیرکارییەگەی ڕووسیا لە ئۆکرانیا سوید و فینلەندا ناچار کردیە هۊر وە پەنابردن وە هاوپەیمانێتی ناتۆ بکەن.
باوجی وتیش، ڕووسیا ئەو جۊرە جۊلەیە جۊر هەڕەشەیگ نیەزانێد لەبان ڕووسیا، وەو جۊرەگ ناچاری بکەێد هۊر لە وەکارهاوردن چەک ناوەکی بکەێد.
