سودان رى وه توركيا دا ئداره‌ى دويرگه‌ێ "سواكن" بكا له‌بان ده‌رياى مردگ
شه‌فه‌ق نيوز/ ره‌جه‌ب ته‌يب ئه‌ردوغان سه‌رۆك توركى، له خه‌رتومه‌و ئاشكراى ئه‌وه كرد ك سودان دويرگه‌ى ئواكن له‌بان ده‌رياى مردگ له خوه‌رهه‌ڵات ئه‌و وڵاته ئه‌را توركيا ته‌رخان كردگه ئه‌را ئاماده‌كردنى و ئداره‌كردن ئه‌را وه‌خته‌يليگ ك ماوه‌گه‌ێ ديارێ نه‌كرد.
ئه‌ردوغان له كوتايى ديدار ئابوورى له‌ناونى پياوه‌يل كار سودانى و توركه‌يل له سه‌ردانه‌گه‌ى ئه‌را سودان يه‌كه‌مين وێستگه‌ى گه‌شته ئه‌فريقيه‌گه‌ێ وت: داواى ئداره‌كردن دويرگه‌ى سواكن كرديمنه ئه‌را وه‌خته‌يليگ تا دوباره دايمه‌زرنيم و ئاوه‌دانيه‌و بكه‌يم ئه‌را بنه‌ڕه‌ته كويه‌نه‌گه‌ى خوه‌ى و عومه‌ر ئه‌لبه‌شير سه‌رۆك سودانيش رازێ بويه.
جى باسه، ئه‌ردوغان وه ياوه‌رێ ئه‌لبه‌شير سه‌ردان سواكن كردن وه‌ل باڵه‌خانه‌ى گومرگ و هه‌ردوگ مزگفته‌يل مێژوويى ئه‌لحه‌نه‌فى و ئه‌لشافعى له دويرگه‌گه و بڕياريشه ئاژانس هاوكارى و ريكخستن توركى "تيكا" پرووژيگ جيوه‌جى بكا ئه‌را خاسه‌وكردن شوونه‌وار عوسمانى.
