زەویلەرزەیگ وەتونی ٧ پلە دەێد لە دوورگەیل زەریای ھێمن
2023-05-11T06:29:40+00:00
شەفەق نیوز/ زەویلەرزەیگ وەتونی ٧.٦ پلە لەبان پەیمانەی ریختەر، ئمڕوو پەنجشەممە، دادە دوورگەیل تۆنگا لە باشوور زەریای ھێمن.
پەیمانگای جبۆلۆجیای ئەمریکا باس ئەو زەویلەرزە کرد، و ئاشکرای زەرد و قوربانی لەو زەویلەرزە نەکرد.
زەویلەرزەگە وەدویری سەد کێلومەتر لە دوورگەی گرکانی نیوتوبوتابو، وەقویلی ٢١٠ کێلومەتر بویە.
وتیش؛ زەویلەرزەگە نەڕەسیە تسۆنامی.
ناوچەیلیگ وەدویری ٣٦٠ کێلومەتر جویر ئەبیا پایتەخت ساموا هەس وە لەرزەگە کردن.
