زەویلەرزەی تونیگ دەێد لە تورکیا

شەفەق نیوز/ ناوەند ئەورودەریا ناوڕاس، ئمڕوو چوارشەممە، راگەیان کە زەویلەرزەی فرە تونیگ داد لە ناوچەی مەلاتیای تورکیا.

ناوەندەگە وتیش؛ زەویلەرزەیگ وەتونی 6 پلە لەبان پەیمانەی ریختەر داد لە نزیک مەلاتیا لە تورکیا، و زەویلەرزەگە شەوەکی ئمڕوو چوارشەممە 16 تشرین یەکەم 2024، ساعەت 10:46 شەوەکی وەوەخت ناوخوەیی توومار کریا، و قویلەگەی رەسیە 10 كم.

دیاری کرد کە لە بنەمای داتایل زەویلەرزە، بایەسڵ خەڵکەگە لە لەرزەگە وە مەودای فراوانیگ ئاگادار بوینە، وهاتێ زەرەدیش رەسانیە.

ئی پلەی زەویلەرزە پلەیگ گەورەس، کە ئەو زەویلەرزەیلە کە دان لە کەهرمان مەرەش لە تورکیا لە 6 پلە تا 7.8 پلە بوین و ویرانکارییگ گەورە دروس کردن.