زەۊیلەرزەیگ لە دەریای ناوەڕاس
2021-10-19T07:14:01+00:00
شەفەق نیوز/ راپۆرتەیلیگ راگەیانن،ئمڕوو سێشەممە، خەوەردان ک زەۊیلەرزەیگ لە دەریای ناوەڕاس، خەڵک وڵات میسر و لوبنان و ئیسرائیل هەس وەپی کردن.
میدیایل میسری وتن: ویستگەیل تووڕ نەتەوەیی ئەرا زەۊیلەرزەیلە لەرزەیگ لە ساعەت ٧:٣٢ وە وەخت ناوخۆیی توومار کردن، شۊنەگەی لە خوەرهەڵات دەریای ناوەڕاس بۊی، و تونیەگەی لە ٦ پلە لەبان پەیمانەی ریختەر زیاتر بۊی.
خەوەرەیلە باس کردن ک خەڵک لوبنان و میسر و ئیسرائیل هەس وە تونی ئەو زەۊیلەرزە کردن. ئاژانس رۆیتەرز هەمیش باس زەۊیلەرزەیگ کرد ک خەڵک قاهیرە پایتەخت میسر هەس وەپی کردن.
