زووران کەڵەشیر چوودە خۊنی ١٩ کەس لە مەکسیک

شەفەق نیوز/ ١٩ کەس، رووژ یەکشەممە،  لە پەلاماریگ لەبان شۊنیگ نهێنی ئەرا زووران کەڵەشیر، خوەرئاوای مەکسیک کوشیان.  

چەکدارەیلیگ پەلامار شۊنەگە دان و تەقە لە مەردم ئەو ناوە کردن، و ١٩ کەس لەلیان کوشتن، و چەن کەسیگتر زەخمدار بۊن و بریانە خەسەخانە.   

وەگورەی حکومەت مەکسیک،  تەقەکردن لە ناوچەی لاس تیناجاس لە ویلایەت میچواگان بۊ، ک باند "گالیسکۆ نیو جنیرشن" وەگەرد باندەیلیگ بۊچگتر لەناوی جەنگ کەێد، تا دەس بنەێدە بان ریەیل هووشبەری. 

نۊسینگەیل فەرمی ئەل بەیاننامیگ وتن: ٣ ژن هانە ناو ئەو قوربانیەیلە،  و پۆلیس دیرێد تەقەلا دەێد وەرپرس لەو تەقەکردنە دیاری بکەێد.  

بەیاننامەگە وتیش: گشت قوربانیەیلە وە گولە کوشیانە.